Tottenham lakah United an tlawm
remier League inkhel ngaihven hlawh takah Tottenham Hotspurs chuan an mikhual Man-chester United chu si hnih faiin an hneh. United hi EPL season tharah team lian zinga tlawm hmasa ber an ni a, forward an neih that loh an tuar chhunzawm. United an tlawm lai hian Brigh-ton an khel tha chhun-zawm a, khelh hnih atang in point ruk an hmu.
Manager thar Ange Postecoglou hnuaia bul tan Tottenham hi an forward pawimawh Harry Kane tel lova an inlan hmasak berah hnehna an chang zo bik lo. An goal thun khawl Kane hian Bayern Munich a pansan a, a hmunruak a zau hle. Kane tel lova United an hmachhawn hmasak berah beisei phak baka thain an khel a, an mualah ngei si hnih faiin hnehna an chang ta thung a. Manager thar Postecoglou hnuaiah a vawi khat nan hnehna lian an chang.
Tottenham muala inkhelah chawlhlawk hmain team lian pahnihte an innawr tawk viau a, goal an thun thei lo ve ve. Chawlhlawk hnu lamah hma taka goal an thun vangin Tottenham an phur a, hnehna lian an chang zui ta hial bawk.
Second half-ah Tottenham an khel tha zual sauh a, goal pawh an thun thuai. Minute 49-na lekah Pape Matar Sarr chuan hmahruaina goal a thun. Sarr goal hian mualneitu a fuih phur viau a, inrintawkna sang zawk nen an mikhualte an nawr zui theih phah. Spurs hian goal thun belh ngei tumin an mikhualte an nawr a, United in point hlawhchhuah tumin an khingpuite an nawr ve thung. Red Devils hi goal thun tuma tan an khawh vanglai takin an chesual a, hun tawp dawn hnaihah goal an chhuah belh.
United hian goal thun an mamawh em em laiin hun tawp dawn hnaih minute 83-naah an defender Lisandro Martínez chuan an lamah a ti-goal a, Tottenham goal hnihna a thun. Dinhmun chhe zawka an din hnuin goal thun turin hun an nei tawh lo va, United chu Tottenham lakah si hnih faiinan tlawm zui ta a ni.
Inrinni zana inkhel dangah Brighton & Hove Albion chuan Mimuala an hmachhawn Wolves chu 4-1 in an hneh a, season thara an match hmasa pahnihnaah hnehna an chang zawn a, point ruk hmuin table-ah pahnihna an luah mek. Season hmasa ang thoin a tawp khar that leh an tum bawk ang.