Trump-a a khingpui tura ngaih a bei na hle

Trump-a a khingpui tura ngaih a bei na hle
US election atana campaign-na kal zelah Donald Trump chuan hmeichhiain ram ropui kaihhruai an tum ta mai chu hriatthiam har a tih thu sawiin, mi chak lo tak a ni a, ‘a mak zawk a ni’ tiin a bei na hle.
Republican presidential candidate chuan an thiltum leh hmathlir hi a thui hlawl lo, hmabak leh hmachhawp hi a nei pawhin ka ring lo, tia kapin, ama hova America mai ni lo, khawvel nawr kal turin amah tantu kalkhawmte chu a sawm a ni.
Trump hian a khingpui democratic candidate hi nasa taka beiin, Hmeichhia a ni a, mipate tih ang apiang hi lo tih ve tum suh se, hmeichhe tha tak tak chu an awm nameuh mai. Mahse, ani kher hi chuan ram ropui kaihhruai hi tum ve lul suh se, a ti a. Ani inzui chuan car a chuang ang deuh hian in awm ang. Nuam in ti ang a, chhuk nachang inhre lo ang. Mahse, eng hmasawnna mah inhmu lo thung ang, tiin. A hnathawh zawh loh thawh zawm ngei thei tura amah hi thlang turin kalkhawmte a sawm bawk.
Trump leh democratic candidate Kamala Harris te chu US election lo awm turah an campaign nasa tawh hle a, mimal inbeihna pawh an duhtui lo sawt chho hle. Kamala hi US vice president ni lai a lo ni kher bawk a, Trump lah president kalchhuak chiah a lo ni bawk nen, an chanchin hi khawvelin a thlir a, an inbeihna thlengin milar rual hoah nghawng a nei lian chho bawk.