Tuikual lui bawlhhlawh zel

Aizawl tui tlan ber Tlawng lui fintu Tuikual lui chu a kum telin a bawlhhlawh belh zel tih sawi a ni.
Mizoram EIACP Hub, Environment Education Programme (EEP) – Mizoram Pollution Control Board (MPCB) leh Govt. Johnson College-a Eco Club leh Adventure Club-tangho buatsaihin Zirtawpni khan World Water Day 2024 denchhenin Tuikual Lui thianfaiin an hnatlang a; zirlai, zirtirtu leh official mi 80 vel an thawkchhuak.
Tuikual lui hi Aizawl tui tlan ber, Tlawng lui fintute zing ami niin, a kum telin tihbawlhhlawh belh zel a ni tih sawi a ni a. Hei vang hian mipui hnenah kan chhehvel lui tui thianfaia uluk taka humhalh leh thianghlim taka enkawl a pawimawh zia inzirtirna ni pahfawmin ‘Tuikual lui thenfai hnatlang’ hi buatsaih a ni tih MPCB hotute hian an sawi.
Hnatlanga thawkchhuakte chu kan chhehvel leilung leh boruak humhalh kawngah tun aia nasaa ke pen zel tur leh midang, kan chenpui leh thiante pawh chutianga ke pen ve tura tihhmuhtu ni theuh turin MPCB hian a sawm bawk.