Tyler Perry $260M chawi turin khing
Hollywood star, comedian ni bawk Tyler Perry chu ‘The Oval’ a a cast member pui Derek Dixon chuan zahmawh rawngkaiin a tinawnmnah ni a puhin, dollar maktaduai 260 chawi tir tumin a khing a, Perry ukil chuan he inpuhna hi dawt leh phuahchawp mai mai niin a sawi ve thung.
Derek Dixon i BET series ‘The Oval’ leh ‘Ruthless’-ah te inlanin, The Oval director, Tyler Perry hian entertainment industry-a a huhang te hmangin an inkarah zahmawh rawngkaia in nawr luihna a thlen ni a puhin, dollar maktaduai 260 chawi tir tumin a khing ta a ni.
Dixon chuan Perry hian actor te chu lemchan khawvela an career atana kawng hawnsak tura insawiin, hma a lak pui a, chutah a thuhnuaiah a dah thei ta maw tihah entertainment khawvela a thil titheihna leh huhang te chu hmangin kawng a sial sak a, chumi hnuah zahmawh rawngkai lawmthu sawina a phut let thin niin a puh.
Tyler Perry ukil, Matthew Boyd chuan Dixon-a lawsuit chungchang hi sawiin, “He pa hi Tyler Perry hnaih taka a lo awm thinna chhan kha thildang vang ni lovin, tenawm taka sum siam a tumna mai a lo ni. Mahse, Tyler hi hetiang mai mai avangin a talbuai dawn lo a, he inpuhna phuahchawp lutuk hi engmah loah a chang ngei dawn tih kan chiang a ni,” a ti.
Dixon chuan Perry nen hian September 2019-a Atlanta-a Tyler Perry Studios grand opening party-ah thil sem veltua a tanna atanga inhre tan an nih thu a tarlang a. Phone number te an inpek tawn hnuah Perry hian zahmaw rawngkai text thawnin, ‘Ruthless’-ah role lian vak lo a tawktarh nghal niin a tarlang bawk.
He political drama-a a inaln chhungin Perry hian zahmawh rawngkai zawhna mimal thil tak tak a zawt fo niin a tarlang a, chutah ‘The Oval’ a chan lai pawhin Perry hian zahmawh rawngkai tak tak kawih a ching niin a sawi a, October 2020-a Bahamas lama cast trip an neih tum leh June 2021-a Perry chenna ina thil pawimawh an sawi khawm tum te pawhin hetiang thil hi a thleng niin a tarlang bawk.
Dixon chuan hetianga zahmawh rawngkaia innawr luih fo hi a duh loh avangin ‘The Oval’ pawh chu season hnuhnung ber atangin a tawpsan ta niin a tarlang bawk a ni.
Tyler Perry $260M chawi turin khing
Get real time updates directly on you device, subscribe now.
Prev Post