UCC hman hi Modi guarantee : Shah
Union Home Minister Amit Shah chuan April 26 khan Centre-a BJP sorkar a awm chuan ram pumah Uniform Civil Code (UCC) han a ni ang tiin chu chu Prime Minister Narendra Modi guarantee a ni a ti a, Congress te chu personal law te advocate zawkah a puh bawk.
Shah chuan Madhya Pradesh a Guna Lok Sabha seat chunga Ashoknagar district a Piprai area-ah rally neiin helai hmun hi Union minister Jyotiraditya Scindia in candidate na a ni.
Congress leader Rahul Gandhi chu beiin Shah chuan, “Rahul Baba, mi tihlawm nan i duh duh i ti thei ang. BJP a awm chung chuan personal laws kan remti dawn lo. Kan thutiam leh Modiji guarantee chu Uttarakhand a an tih angin ram pum huapa UCC hman a ni” tiin a sawi a. Hei bakah hian Modi sorkar chuan Naxalism leh terrorism ram chhungah a nuai bo tawh a ti bawk.
“Kum 2019 khan Modi sorkar chuan Article 370 a nuai bo hmak a. Rahul Baba-in hlauhna neiin thisen a luang ang a ti a. Mahse, Rahul Baba hei hi Congress sorkar a ni lo, Modi sorkar a nih hi. Thisen luang chu sawi loh lung pakhat pawh vawm turin huaisenna an nei lo” tiin Shah chuan a sawi bawk a.
“Sorkar chuan ram chu terrorism leh Naxalism ata a chhuah zalen a, Madhya Pradesh pawh zalenin a siam a ni,” a ti bawk.