United hmakhaw ngaia Ten Hag zilh hlak pahin Ronaldo a tawngchhuak ve ta!

United hmakhaw ngaia Ten Hag zilh hlak pahin Ronaldo a awngchhuak ve ta!
Kum 2003-2009 season chhunga Manchester United-a insiamlian, a vul chuk hnua Juventus chhuahsana Old Trafford-a kirleh zuai Cristiano Ronaldo khan a larchhuahna club meuh chu a la vei a nih hmel a, tunhnai khan a club hlui chu kawng tinrenga indinthar ngai an nih thu sawi chungin an manager ang lai Erik Ten Hag a khak tel zauh!
Kum 39 mi Portugal forward hian Red Devils chu top title awm thei zawng zawng chuh pha leh turin a bulthum aanga insiamhat ngai hmuhin a hmu a, Ningani khan Rio Ferdinand-a youtube channel-ah a club hlui chungchanga a ngaihmawh leh vei zawng a sawichhuak.
Ronaldo hian United kha Premier League title pathum bakah Champions League leh Club World Cup trophy pakhat ve ve lakpui hmanin, Old Trafford aang khan khawvel hriat a rawn hlawh chhote a ni bawk a, tunhnaia a team-mate hlui nen an titi dun um pawh hian a club hlui chu a la hmangaih reng tih sawi chungin an thawhlehna tur kawng nia a hriatah pawh mi mitmei a veng lutuk lo niin a lang.
Manchester United hi tunah chuan English club naran an ni tawh a tih theih thuak a, season liamta pawh khan Premier League-ah pariatna ni pha chauhin, Dutch coach hnuaiah hian club dangte zuam an hlawh ta viau niin a hriat a, chu tak chu an superstar hlui lai tinatu a nih hmel!
Ronaldo chuan club enkawltu (INEOS boss Jim Ratcliffe leh a hnuaia administrator rual) fak hmasa zetin, club tana hmunhma (infrastructure) an bun tharte chu fak tlak niin a sawi a, chu tah a hahnemngaihna auchhuahpui zuiin:
“Ka ngaihdan chuan engkim a bul aanga indinthar vek an ngai. Khawvela club haberte zinga pakhat an la nih reng avangin indinthar leh tur pawhin hun an mamawh deuh ngei dawn a, mahse, change an mamawh tih hi chu phat theih a ni lo. Chu chu an thawhlehna tur kawng awmchhun a ni tih anmahni ngei pawhin an hrechiang hle a ni.
“An future a la bright reng tih hi ka rin dan a ni a, mahse, ka ngaihdan chuan talent-ah chauh an innghah a rem lo a, a bulthum aanga an indinthar a ngai a, a nih loh chuan title hraw ber ber chuh turin an tling tawk ngai lo ang, thil theih a ni lo,” tiin an tun dinhmun enin tournament liana champion thei hmuhin a hmu lo!
Season thara league game thum an khelh tawhah United hi vawihnih ngawt tlawm leh hman tawhin, an manager Erik Ten Hag sawiselna a richhuak chho zel a, he boruakah hian Ronaldo pawh a awngchhuak a, Dutch coach chu a sawi loh tur chhakchhuak mai mai lo tura hrilh chungin a United team-mate hlui Ruud van Nistelrooy-a ngaihdan ngaichang thiam turin a zilh pah hlak!
“Coach berin Premier League leh Champions League title chuh pha khawpin an ha lo tih a sawi a, Manchester United coach chuan tualchhung league leh Champions League a er pha lo tih hi a sawi ngai tur a ni lo.
“Rilru lam fiahna atan theihna an nei chau tihte chu a lo sawi thiang pawh a ni mai thei a, mahse, chu pawh chu kei chuan ka sawi loh tur a ni. Kan bei ang, kan try tur a ni tih chu coach sawi dan tur a ni,” a ti sak sak!
Nistelrooy kha a chipui Ten Hag-a hnuaiah assistant coach pakhat a ni mek a; Old Trafford club zeizia hrechiang tawh Nistelrooy-a thlir dan leh team herpui dan chu club-in a hatpui Ronaldo hian a ring tlat a, head coach chu a ngaihdan ngawr ngawra team enkawl lo turin a chah.
“Rio or Roy Keane or Paul Scholes or Gary Neville or Sir Alex Ferguson pawh ni se hriatzauna tel loin club dinthar theih a ni ngai lo. He team insiamtharlehna tur kawngah Ruud hian angkaina a neih ka ring tlat a, a chhan pawh he club lairil luahtu a ni tlat. Club a hrechiang a, fans pawh a bel a, coach hian a thu leh hla a ngaithla a nih ngat chuan hmasawnna an neih phah khawp ang.”
Kum 2013-a an boss ropui Sir Alex Ferguson-a chawlh hnu khan Manchester United hian Premier League title an chang leh ngai ta lo.
League table-a 14-na luah mektu United hian Inrinni zanah Southampton an luhkhu