US-in Ukraine \anpui leh

Ukrainian President Volodymyr Zelensky chuan Zirtawpni khan United States military leaders te leh a partner ram 50 chuang hruaitu te chu Germany-ah hmuin ralthuam tam zawk pe turin a ngen a, hetih lai hian Washington Ukraine hnenah security assitance $250 million hu a pek tur thu a puang zui bawk.
US Defense Secretary Lloyd Austin chuan Ukraine-in Russia a beihletna hun pawimawh tak laiah leader te chuan inhmuhkhawmna an nei tiin a sawi a. Ukraine chuan Russia nawrlet tuma hma la mekin Donbas a hmun pawimawha Russia sipaite a nawr chhuak mek a ni.
Ukraine-in Russia barakhaiha Kursk territory a beih lai hian Russia President Vladimir Putin thng chuan Ukrainain army te rail leh supply link pawimawh tak Pokvrovsk khawpui lak tumin hma a la thung a. Pokrovosk hi Ukraine-in a hloh a nih chuan a tan a pawi hle dawn thung a ni.
Kursk-ah chuan Russia chu hnungtawlh zawkin a awm mek laiin ‘Russia rilru chhiatzia a thuk tih kan hria’ tiin Austin chuan Ukraine Defense Contact Group inhmuhkhawmna neih hmain a sawi a. Moscow chuan Pokrovsk lak tumin theihtawp a chhuah mek a ni tiin Austin chuan a sawi bawk.
Tun hnaiah Russia chuan airstrike turu taka a kalpui leh avangin Zelensky chuan US chu ralthuam a pek te hmanna lama khuahkhirhna a siam thlahdul tur leh Khawthlang ram te chu Russia ram chhung hmun pawimawhte a beih theih nana ralthuam pawimawhte pe turin a ngen bawk a.
Mahse, Zirtawpnia meeting neihnaah erawh air defence leh artillery supply mamawh thlurbing a ni rih thung a, Ukraine-in defense industrial base a neih te tihlen dan turte chu sawiho ber a ni thung.
Zelensky thung chuan long-range strike theihna chu a nawr ber tur thu sawiin, “Remna kan ngiat kan hmuh theih nan chuan long-range kap thei kan mamawh ber a ni,” tiin a sawi.
Western powers te chuan Ukraine-in Soviet hun laia siam S-300 air defense system a thlak theihna tur an ngaihtuah ber tiin Austin chuan a sawi bawk.
US chuan tun hnai lawka Ukraine hnena a pek F-16 fighter jet tena an ken tel theih air-to-ground missiles te, a bik takin Joint Air-to-Surface Standoff Missile (JASSM) te chu pek dan a zawng tia sawi a ni a. Heng ralthuamte hi a pe a nih chuan hun reilote hnuah Ukraine hnena longer-range cruise missile pek theihna a hawng dawn tia sawi a ni bawk.
Mahse thutlukna engmah siam a la ni lova policymakers te chuan Ukraine hnena linger-range capability pek tur leh tur lohah thutlukna an la siam lo tih a ni bawk a. Ukraine in tuna a mamawh em em chu air-to-ground weapon nia sawi a ni.
Tun hnai hnai kum hnih chhungin Ukraine Defense Contact Group te chuan Ukraine in artillery leh air defense a mamawhte a neih theih dan an zawng reng a, heng bakah hian small arms ammunition te leh air defense system leh fighter jet te a neih theih nan hma an la reng a, pek pawh an pe teuh tawh bawk.
Kum 2022 atang khan Ukraine hnenah security assitance $ 106 billion hu pek a ni tawh a, heta atanga $ 56 billion hu lawih chu US-in a pek a ni.