Uttarakhand-in Rs. 54,550 crore MoU signed

Global Investors Summit an thlen hun tur December 2023, atan thla hnih pawh a awm tawhlo tih ah Uttarakhand Chief Minister Pushkar Singh Dhami chuan Rs.54,550 crore man hu MoU a ziah pui thu sawiin Uttarakhand sorkar chuan Investment Rs. 2.5 lakh crore man hu lai tlin theih an tum thu a sawi.
CM Dhami chuan, “Tourism, health, education, pharma leh agriculture-ah te Investors hrang hrang te nen inremsiamna kan nei tawh a. Investors te chu Uttarakhand-ah lo kala rawn invest turin kan sawm a ni. Cheng vaibelchhia sang tamtak Investment siam turin Dubai leh Abu Dhabi-ah te inremna kan siam tawh a, heng zing a\ang hian rawtna tamtak dawn a ni tawh a. Khawpui danga investors te nen inbiakna leh roadshows te kan nei ang,” tiin a sawi a ni.
Dhami chuan UAE a\anga a rawn haw hnuah New Delhi-ah chanchinbumite hmaah thu sawiin Uttarakhand investors summit hnuai ah London, Birmingham leh Delhi-a investors hrang hrang te nen meeting kan lo nei tawh a, tunah chuan Dubai leh Abu Dhabi nen kan nei ve thung tiin a sawi a. Dhami chuan sawi zel in, “Eng rawtna leh inremsiamna pawh lo nei ila kan state tana \angkai tur leh hma lam hun atana hlawk turte an ni a, ngun taka belhchian an nih hunah chauh hna tam zawk chu thawh an ni ang. Investment kan tih rual hian a pawimawh dan indawt zelin a hmuna cheng mipuite tana hna thar siam tur leh agriculture lam tichak theitu turte inremsiampui leh zel a ni ang a. State sorkar hian investors te hmakhua te, industries leh Uttarakhand mipui te hmasawn zel nan ruahmanna a siam a ni”, tiin a sawi bawk a ni. Dhami chuan state sorkar chuan inremna a lo siam tawhte tih hlawhtlin a nih theih nan theihtawp a chhuah tur thu a sawi a. A hlawhtlin nana rawtna awm apiangte pawh a taka hman vek a nih tur thu a sawi bawk a ni.