Vawiinah VC/LC by election

Vawiin, August 22 hian State Election Commission Mizoram chuan village council leh local council thenkhatah by election a buatsaih a, vote hi chhiar nghal a ni ang.
Aizawl Municipal huamchhunga Luangmual leh Salem Veng Local Council member pakhat ve ve hmunruak hnawhkhat turin inthlan buatsaih a ni a. Hnahthial district Bualpui ‘V’ Village Council (seat 3) thiah takah inthlan tur a ni a; Lawngtlai district-a Nghalimlui, Dumzautlang, Kakichhuah, Chamdurtlang-II, Kawnkhua, Lawngtlai Electric Veng leh Lawngtlai Bazar VC ah by election hi neih tur ni bawkin, Kawnkhua hi general seat leh reserved seat pakhat ve ve thlan tur a ni a, a dang zawng hi general seat pakhat theuh a ni.
Vote hi zing dar 7.00 atanga tlai dar 5.00 thleng thlak theih a ni anga, SEC chuan inthlan neihna tur veng/khua ah hian sawrkar pisa, zirna in leh hmundanga thawkte tan vote an thlak theihna’n chawlh a puang a ni.