Virgin Galactic-in spaceflight tan dawn

Sir Richard Branson a space tourism company Virgin Galactic te chuan tun thla tawp lam hian commercial flight hmasa ber an kalpui tur thu an puang.
Virgin Galactic te chuan flight kalpui a nih theih nan hian hma la mekin 27 June atang 30 June inkar chhunga neih tur niin Galactic 01 tih a ni dawn a ni.
He thu puan a nih hnu hian Virgin Galactic share chu New York trading ah 40% in a share a pung nghal a.
May thla khan Virgin Orbit, UK billionaire in space firm dang a neih chu a mission a hlawhchham nawn awn awn avangin tihtawpin a lo awm tawh thung.
Virgin Galactic te chuan an flight chu scientific research mission a ni dawn tia sawiin crew member pathum Italian Air Force leh National Research Council of Italy mi leh sa te microgravity research nei tur an chuang ang a ti a.
Company te chuan August thla tir lamah commercial spaceflight in a zui ang ti zuiin thla tinin spaceflight kalpui an tum ziah thu an sawi bawk.
Virgin Galactic hi kum 19-a upa ni tawhin harsatna tam tak paltlang tawh a ni a, thla kalta khan Virgin Galactic rocket plane Unity tia koh chu kum hnih dawn hnuah kalpui that leh a ni bawk a.
He vehicle-ah hian pilot pahnih bakah passenger pali chuangin US a New Mexico desert atangin space ah thlawk chhovin an lo let leh a ni.
Virgin Galactic te chuan kan chenna lei chung lam 80km (2,60,000ft) ride duh te tan tiin ticket 800 chuang a hralh der tawh bawk a. He flight hmang hian passenger te chuan vansang tak atangin kan chenna lei thlir thei thinin ticket man hi mi pakhat tan $ 450,000 lawih a ni.