Vistara leh Air India inhmerzawm fel ta

November 12 atangin Vistara chu Air India brand hnuaiah a awm dawn ta a, tun hmaa “UK” designator leh flight booking tinte chu “AI” flight code-in a thlak dawn ta a, airlines pahnih te chu an inzawm dawn ta a ni.
September 3 atangin passenger-te chuan zin turin Vistara kaltlangin November 12 hnu lam ticket an book thei tawh dawn lo a ni. Vistara chuan November 11, 2024 thlengin a pangngaiin flight operation an kalpui thung ang.
Singapore International Airlines tena India sorkarin Air India a foreign direct investment (FDI) tih a remtihsak thu a puan hnu lawkah Vistara leh Air India te chuan an inzawm tur thu an puang zui nghal a.
Singapore Airlines te hian thlawhna 70 nei Vistara-ah hian 49% stake neiin an pahnih inzawmah Tata Sons te chuan 25.1% stake an nei thung ang a, Air India hian aircraft 285 nei thungin investment Rs 2,058.5 crore a hmu thung dawn a ni. Tihian Air India, Air India Express leh Vistara te chu huangkhatin an awm ta a ni.
“He approval leh governmental leh regulatory approval dang kan hmuh te nen inzawmna a awm theih nan hmasawnna nasa tak kan hmu a ni” tiin SIA te chuan thuchhuah an siamah an tarlang a.
Customer-te 12th November hnua Vistara flights lo book sa tawh te chu an reservation chu Air India flight number-ah hmehbel nghal a ni dawn a. September thlaah customer te chu thil awm dan kimchang hrilhhriat an ni dawn a ni.
“Kan inzawmna hi customer tena duhthlan tur tam zawk fleet lian zawk leh network zauzawk kan pek duhna vang niin an travel expererince te sang zawka hlankai kan tumna a ni. Vistara leh Air India te chuan buaina leh harsatna awm hauh lova engkim kalpui kan tum a ni” tiin Kannan chuan press statement a tihchhuahah a tarlang.
Air India hi January 2022 khan Tata Group te hnenah India sorkar chuan hralhin privatisation kalpui a lo ni tawh a. Privatisation-ah hian Air India mai bakah Air India Express, low-cost international airline pawh a huam tel a ni.
Tatas te chuan AirAsia India leh Air Asia Investment Ltd ah pawh neitu nihna an nei bawk a, Vistara an belh leh nen airline pali thununin pahnih phei chu an ta liau liau a ni bawk a.
Air India chu an ta liau liau niin Air India Express chu IndiGo elpui ber a ni bawk a, Air Asia-ah 16.33% stake neiin AirAsia India chu Air India Express nen hmehbelin domestic leh international flights low-cost airline an kalpui bawk a ni.