Wales squad-ah Ramsey kirleh

Wales squad-ah Ramsey kirleh
Wales chuan an captain Aaron Ramsey chu October thla World Cup qualifier match-a Belgium hmachhawn tur leh tunthla vek friendly-a England infiampui tur squad-ah an kokir.
Mexican club Pumas UNAM a zawm hmaa Arsenal, Juventus leh Cardiff tana lo khel tawh Weslh midfielkder Ramsey hi tunah kum 34 mi lai ni ve tawhin, September thla tir lama Kazakhstan leh Canada an hmachhawnna game pahnihah khan koh a ni lo a; hliam atanga a damleh hnu tunhnai thla ruk liamta chhung khan ram tan substitute bench atanga vawi khat a luh tih loh inkhelh a la nei leh ta lo a ni.
Mexican club side Pumas UNAM lamah erawh ngai a rawn awh chho a, game thuma strting line up a chan bakah match hnih dang bench atangin a lut bawk a, national team-ah pawh hmun a chang chho leh ta a ni.
Wales hian October ni 9, Ningani friendly match-ah England chu Wembley stadium-ah an luhkhung dawn a; a lehpek Thawhtanni hmasaber lo herchhuak turah Belgium chu World Cup qualifier khelhpuiin Cardiff City Stadium-ah an mikhual zui leh dawn a ni.
Wales hian automatic-a 2026 World Cup khelh theihna chance la nei mah se Group J lamah pathumna an ni duai tawh a, an khelh leh turah hian an tlawm mai mai a rem lo hle tawh ang.
Khelh thum hmabak la awmah point 11 hum chungin North Macedonia daihin an group hma an hruai mek a; point khatin hmahruaitu team hi Wales leh Belgium lakah an sang.
Group-a a sang ber hian automatic-in nakkum world cup an khel dawn a, group runners-up chuan nakkum March thla khian 16-team play-offs an khel thung ang.
Wales hi pathumna daih pawh lo ni hlen dawn ta se nikum Nations League-a an group-ah sang ber an nih avangin play-off an khel pha tho tho tawhsa a ni.
Automatic-a tlin an duh dawn chuan match thum an la neiha an chak vek a ngaih dawn bakah Belgium-in vawi hnih tal point an hloh then a ngai dawn.

Wales squad

Goalkeepers: Karl Darlow (Leeds United), Adam Davies (Sheffield United), Tom King (Everton).

Defenders: Ben Cabango (Swansea City), Jay Dasilva (Coventry City), Ben Davies (Tottenham Hotspur), Ronan Kpakio (Cardiff City), Dylan Lawlor (Cardiff City), Chris Mepham (West Bromwich Albion), Joe Rodon (Leeds United), Neco Williams (Nottingham Forest).

Midfielders: Ethan Ampadu (Leeds United), David Brooks (Bournemouth), Jordan James (Stade Rennais), Aaron Ramsey (Pumas UNAM), Josh Sheehan (Bolton Wanderers), Sorba Thomas (Stoke City), Harry Wilson (Fulham), Joel Colwill (Cardiff City).

Forwards: Nathan Broadhead (Wrexham), Liam Cullen (Swansea City), Mark Harris (Oxford United), Lewis Koumas (Birmingham City – on loan from Liverpool), Daniel James (Leeds United), Brennan Johnson (Tottenham Hotspur), Kieffer Moore (Wrexham).