Wheat seng laia a ro halna thunun turin state-te ti

Wheat seng laia a ro halna thunun turin state-te ti
Commission for Air Quality Management (CAQM) in NCR & Adjoining Areas chuan kumina wheat seng hunah a ro tihralna kawngah boruak tichhe lo zawnga tih a nih theih nan zawm tur thupek siama hun bi pawh tuk turin a ti.
Thupek siam tura tihna hi Punjab, Haryana leh Uttar Pradesh hnenah a pe a, Delhi leh Rajasthan hnenah pawh pek rin a ni bawk.
CAQM-in inkaihhruaina siam tura a tih zingah khaw tina lo zawng zawng chhinchhiaha wheat sengna ro sawngbawlna en tur te, lo neitute tan nodal officer siama district khata lo neitute zawng zawng vil thei zel tur dah turin a ti.
Thlai sengna ro tihriralna kawngah hian a tihralna khawlte a indaih zawk nan hun bi tuka a tahtawla thil kalpui turin a ti a, chu chu mobile app hmanga en mai theih tura ti turin a ti a. Man awm lovin a tihralna, CRM machine pawh lo neituten an hawh theihna turin ruahman turin a ti bawk.
“Thlai sengna ro hal hian NCR leh a chhehvela boruak a tibawlhhlawh nasa em em zel a, hei vang hian hal hun a thlenah lo inruahman lawk a tul a. Thlalema innghatin wheat seng chhung hian kangmei awmte chhinchhiah tur a ni a, a tul anga ruahmanna siam turin state-te ngen an ni,” tiin CAQM-a hotu lawk pakhat chuan a sawi.
Indian Space Research Organisation leh Indian Agricultural Research Institute-in thlalem atanga a chhinchhiah dan chuan wheat seng hun lai hian nikum khan Punjab-ah kang 10,207, Haryana-ah 1,832 leh Uttar Pradesh-a NCR district-ah te 259 a awm.
Hei hi nasa taka tihtlem tum a ni a. Delhi leh a chhehvela a khuin boruak bawlhhlawh tak a siam thin chu tihtlem tum a ni.