Lallunghnema
Charity Lodge
Cont: 9862288182
-- Advertisement --
Consumer Right âtchilh bur ho te hi chuan Consumer-te len lohna hmunah hi chuan Zoram khawvel hi a kim lova, a him lo an ti a. Consumer-te Dikna leh Chanvo awm lohna hmunah reng reng chuan hring nun a buai vek, an ti thin bawk. Chutiang mite chuan fing lo leh ât thlak takin mi tha lote an dova, mi pâmham te an hma chhawn thin a ni.
He Consumer Zin Kawngah hian thil tam tak ti thei lovin thil ropui tam tak ti thin lo mah se, tlêm tê tal a, rah tha a chhuah dawn phawt chuan consumer nêkchêpna hi an do zel dawn a. “Kan dam chhan a ni”, an ti thin. Beih zel an tum a, an hneh hmâ chuan he sual thim chhah tak hi an ep zêl dâwn a ni. Ropuina an ûm lova, chawimawina an thlahlel ngai hek lo. Sum an nei lova, neih avanga bei an ni ngai hek lo. Miin an hmalakna chhe te te an tangkai pui thin a liama lawmna erawh an nei lo. Chan huamin an bei zel ang a, an channa chu tanpui ngaiten an lo hlawkpui dawn phawt chuan an thawk zel dawn a ni.
World Consumer Day lo pian chhuah dan chu hetiang hian kan sawi ang :
Bible tawngkam takin Khawvel zawng zawnga President hmingthang leh lâr ber ber zinga mi, Russia ram hruaitu chak pawh lo vau Dai thei tu US President John F. Kennedy-a hi kan hria em? He US President ropui hian Consumer Right hi a hun lai khan a lo vei hle tawh a lo ni! US Congress-ah khan kum 1962 March ni 15-ah Thuchah ropui tak a sawi a.He Nî hi chhin chhiah a ni zui zel a, Consumerte tan Nî pawimawh a ni mek zel a bawk . Hlutawm tak a ni mek zel. Chu JF Kennedy Thuchah chu khawvel tâwp thlengin hriat reng a ni ang. Chu thuchahah chuan Consumer Right pawimawh tak tak a lo puang chhuak a ni. John F. Kennedy hi khawvel ram hruaitute zinga consumer-te Dikna leh Chanvo sawi chhuaktu hmasa ber a ni, tih a ni nghe nghe a. Lei mihring hian kan hre reng tur a ni. Min khalh ngiltu hringnun tihringnuntu a ni a. Thil dik lamtluang zawh tur a min buatsaihna hmanraw pawimawh tak a ni. Chu’ng US President-in a puan chhuah Four Basic Right- te chu hengte hi an ni.
1) Right to Safety
2) Right to be informed
3) Right to choose
4) Right to be heard
Heng hi a tak(practical) a hman a nih ngai chuan Zoram hi a nuam hle ang.
India sawrkar pawhin Consumer Protection Act a duan chhuah khan heng RIGHT-te hi a telh a. Consumer-te innghahna ‘laimu’ a ni. Father of Consumer Movement Ralph Nader pawh hi consumer-te tan theih nghilh chi a ni lo. Thuziak mi lar, politician – social worker kha a hun tam tak consumer-te tana hmang thin a ni.
Kumin 2025 Consumer Day thupui hi A JUST TRANSITION TO SUSTAINABLE LIFESTYLE tih a ni a. Mizo tawnga sawifiah a har viau mai. “Hun lo thleng mila inher rem” tih hi a dik thaw khatin kan ring a. Khawvel hmasawnna leh changkanna hian sik leh sâ a tichhia a, ramngawte, thing leh mau te a chereu phah a. Ram a Bua phah zel 13 a, tui hna a tlem tial tial a, khua a lum tial tial a, khua a vawt tial tial bawk. Tui lian râpthlak tak tak leh leimin nasa tak, sik leh sa mumal lo tial tial, khaw awm dan hrilh lawk dik lo tam tial tial te hian thuneitute rilru a tibuai ta. Mipui nun phûng pawh a chiri tual tual bawk. Ruahtui tla a mumal lova, khawkheng a nasa a, chhiatna rapthlak tak tak a thleng thin a. Heng thil naran lo, lo thleng thin hmachhawn tur hian kan inpuahchah a kan inbuatsaih a ngai a ni. Kan inher rem zel a tul kan tihna a nih chu.
Kan sawi fo thin angin mi tin consumer kan nia. Ram chhung thil thleng mil zela khawsak thiam a tul a. Heng kan chenna khawvel chhe mek vengtu tur chu Consumer kan ni. Ramin economy lama harsatna a tawh te, thil man danglam zung kara sum leh pai hman thuahte hian consumer te chuan rilru puitling tak kan put a ngai a ni. Mamawh lei leh dawn thuahte kan fimkhur a ngai hle a. Sum leh paia harsatna awmte hian kan insiam rem zel a ngai thin.
Thil man san thut thut laite hian hisap nei ran a khawsak a ngai thin a ni.
Keini Consumer-te hian kan awmna hmun apiangah awmze neia kan inphchhuab a tul hle. Thil lei leh hman kawngah fimkhur leh uluk tak tih thin tur a ni. Thil man awmze nei, belh chian dâwl, hman tlâk, ei tlâk, in tlâk a ni tur a ni.
Ka tawnhriat pakhat chu hei hi a ni.
Kum sawm panga vel liam ta khan Electric Venga nu pakhat chuan a tunu Violin a leisak a. Chu thil chu a ri chhuak thei ta reng reng lo mai a. An leina Dawrah chuan siam that turin a han dah a. Mahse, vanduaithlâk takin he Dawr neitute hian thla 3 hnûah pawh chuan chhuanlam fahrah tê tê siamin an lo la kawl sak veng veng mai a. Anni mangang chuan kei chu phone-in min hrilh a. Kei hreh tah chungin ka va biaksak a. A thar an lo pe a ni. He nu mangang tak hi a lawm hle a. Ka lehkhabu pakhat MIPUI CHANVO tih tlangzarhnaah ka sawm ve a. Mahse, a lo tel ve tâk loh avangin tun thlengin kan la inhmu ta lo.
He ni hian cash memo a la thlap a. A entawntlak hle. Ka thil tawn hriat ka sawina chhan chu kan Dikna leh Chanvo te hi huaisen takin Pi Ngaihi ang hian i sual chhuak ngam ve ang u, tih hi a ni.