Zendaya leh Tom Holland an innei tawh em ni?

Zendaya stylist Law Roach chuan Hollywood star Tom Holland leh Zendaya te chu an innei daih tawh niawmin a post a, hei vang hian fans lamin an han chhui kir a, tunnai thil awmdan an han chhuidawn velin an innei tawh ngei niin an ngai ta tlat!
Spider-Man changtute hian an inngaihzawn thu an zep lem lo a, mipui hmaah pawh an chhuak dunin, an induhna tihlan te pawh an insum ngai lem lo. Hetiang karah hian fans lamin an han chhui dawn ta tak tak am Tom Holland-a unaupa Sam Holland chu nikum khan inneihnaah a tel a, Sam hian nikum October ni 7 khan thlalak post-in, chutah chuan a ngaihzawng Clark Stewart nen molawmnaah an in-pose dun vel nual tih te an hai chhuak ta zel.
Tom leh Zendaya te lah chu an ngawi daih a, engmah an puang tha duh bawk si lo. Tunhnai lehzuala Tom leh Zendaya ten Spiuder-Man film thar tur, Spider-Man: Brand New Day a an chanpui Liza Colon-Zayas chuan Tom leh Zendaya te an innei tawh tih article chu Instagram-a repost-in hand-heart-emoji a dah tel bawk. Hei hi March ni 6 khan a Instagram Story-a a dah.
Law Roach hian March ni 1-a 2026 Actor Awards semnaa red carpet-a Access Hollywood-in an kawmnaah Tom leh Zendaya hi an innei tawh ni a sawiin, “An innei daih tawh alawm. In hre lo a nih kha,” tiin, “Dawt a ni lo,” a ti bawk.