Zirtirtu lak thar 1300+ zingah 354-in zawm lo

Mizoram sawrkar chuan tunhnaiah casual teacher turin mi 1369 a la thar a, heng zinga 354 chuan an hna hi an zawm lo.
School Education department chhinchhiah danin, casual teacher hna zawm duh lo hi high school-ah 68, middle school-ah138 leh primary school-ah 148 an a ni a. Casual teacher atan hian a vaiin mi 1369 lak niin, high school tan 350, middle school 374 leh primary school 648 an ni.
Casual teacher lak dawnah school hrang hrangah zirtirtu indaih tawk turin a mamawhna school-te zirchian hmasak a ni a, hemi mil hian a theih chin chinah posting siam a ni tih an sawi.
School Education department hnuaiah zirtirtu aikal la te chuan sawrkar thu angin an titawp vek tawh a; mahse, natna khirh tuar mek, mahni post-a awm thei lo an awm tih a, hengte hian aikal la tawh loin an leave neih ang ang an lak chhunzawm tih sawi a ni.
Sawrkar chhinchhiah danin kum 2023- 2024 khan high school-ah zirlai 15161, middle school-ah 36386 leh primary school-ah zirlai 51876 an awm a ni