Zirtirtute Ni ah zirtirtu tha award

September 5 – Zirtirtute Ni chu Mizoramah pawh hman a ni a, school hrang hrangin anmahni remchan dana hmangin, zirlaiten an zirtirtute chawimawina atan an hmang.
School Education minister Dr Vanlalthlana chuan zirtirtu chawimawina leh hlutna bakah fuihna thuchah a siam a. India sawrkarin ramchhunga zirtirtu hnathawk tha chawimawina National Teacher’s Award a hlan thinah Zirtirtute Ni pual hian Ningani khan Rashtrapati Bhavan New Delhi-ah India President Droupadi Murmu chuan kuminah he award dawngtu mi 50 hnenah hlanin, Mizoram atangin Synod Higher Secondary School zirtirtu Joseph Vanlalhruaia Sailo a tel a ni.