Zofa insuihkhawm theih nan hma lakpui turin CM an ngen

Zo Re-Unification Organisation (ZORO) chuan Zofate rorelna pakhat hnuaia kan awm theih nana hma lakpui turin chief minister Lalduhoma hnenah an thlen.
Nilaini khan ZORO Hqrs. hruaitute chuan chief minister an hmu a. Hnam lian zawkin tharum chakna hmanga Zofa a thendarhte insuihkhawm leha rorelna pakhata awm leh theih nan United Nations Organisation (UNO) an bepawp a, UN Session hrang hrangah Zofate dinhmun sawiin, Zofate insuihkhawm leh a, rorelna pakhat hnuaia kan awm theih nana hma lakpui turin a thlen thin tih an sawi.
‘Kan phak tawk leh theihtawpin ZORO chuan khawvel hmun hrang hranga Zofate rorelna pakhat hnuaia kan awm theih nan leh kan insuihkhawm theih nan hma kan la a, kan phak tawk leh theih tawk a tam lo thin hle. Mizoram state hi Zofate tan chuan kan Jerusalem a ni a, Mizoram chief minister chu Zofa zawng zawngte tan chief minister a ni. Zofate rorelna pakhat hnuaia kan awm theih nan leh kan insuihkhawm theih nana hma min lakpui turin kan thlen a; chief minister chuan theihtawp a lo chhuah tur thu leh thawhho a ngaih thu a lo sawi a ni,’ an thuchhuak chuan a ti.
ZORO hian Chief Minister’s Relief Fund atan chief minister hnenah Rs. 10000 an hlan nghal a ni.