01 ngam lo tu Kolasib leh Lunglei! Khatla South leh Nursery veng insu dawn

01 ngam lo tu Kolasib leh Lunglei!
Khatla South leh Nursery veng insu dawn
Icfai University Inter veng U 23 semi finals ah zanin dar 8 hian Marius-a khelhna Khatla South leh Ppa khelhna Nursery vengte an intum dawn.
Fur ruah tui baw hawk thin karah pawh he veng pahnih hian tawiawmtu mipui an nei tha thei hle. Quarter finals inkhelah Khatla South in 97 – 75 Kolasib in an hneh a; Nursery vengin 82 – 73 in Lunglei an hneh bawk.
Khatla South in O4 Kolasib an thawn haw!
04 player-te an tha rual seng sawng viau a; mahse, 3 pts lut thei an kawl loh an tuar. Tetea (28 pts) a khel tha fal a, Samuel-a (16 pts) a khel a pangai fu. Jason (11 pts) leh Famkima (10 pts) ten player chhinchhiah tlak an ni tih pholang mah se, Khatla South em hneh tur chuan an la lian tawk lo!
Marius-a (15 pts) tharum ngahna leh a defense khawng tak hmuh hmaih a theih ta lo! Johan-a (17 pts) erawhin a game tha ber a khel lo, 3 pts a thelh hnem malh malh hle.
Naupang fal deuh mah se, Jojo (14 pts) hi a discipline a that chuan an star player Hmachhuana (28 pts) aia sangin a invawrh thei tih a chiang.
He Khatla South hian Opa Varte ho hian 3rd qtr ah thapui an chhuah thin a, an tumpui tur te tan chuan an game rang tak chhutchah hi hna hmasa a ni ang.
Nursery vengin 02 phurna thai reh!
Team kaihruaitu tha coach nei lo mah se Lunglei an thleng thui a, a tawi zawngin sawi ila – he team hian hmangaihtu mihring inpe buaipuitu a nei a; amaherawhchu, coach mumal an neih loh erawh an tuar.
Heti chung hian Joseph (27 point) leh Benjamin (26 point) ten player tha an nih zia an pholang thei.
Atluanga enkawl Nursery veng tan an super star Emmanuel-a (33 point) bawkin hun khirhkhanah pawh chakpui tham a nih zia a tarlang nawn leh a, Ppa (23 point) pawh a khel tha hle.
Fans nei tha an ni a, zaiin an team te Nursery veng hian an chawk phur thiam fu. Miller-a te rual hi an pumrua a lian tel bawk nen, champion an tum ruh viau.