2023 Dove Awards-ah Brandon Lake a langsar ber
Gospel Music Association-in award an sem thin, Dove Awards chu kumin atan an sem leh ta a, Dove Award an sem vawi 54-na niin Brandon Lake a langsar ber a, award pali dawngin, chung zingah chuan artist of the year a tel a, Tasha, Cobbs Leonard, Toby Mac, Blessing Offor & Jeff Pardo ten award pahnih theuh an dawng bawk.
Award hi Allen Arena, Lipscomb University campus, Nashville-ah sem a ni a, Tauren Wells-a’n a host a, award hi October ni 27-a sem niin, October ni 22-ah a recording an tichhuak chauh a ni.
Brandon Lake hian artist of the year, songwriter of the year- artist, worship recorded song of the year leh rap/hip hop recorded song of the year a dawng a, Lake chuan, “He pawla ka lo tel hi ka lawm tak zet a ni,” tiin artist of the year a dawn pahin a sawi a, ani hi kum nga kaltaa Zach Williams hnua he category-a mipa zaithiam award dawng leh thei hmasa ber a ni.
Cobbs Leonard-a’n gospel worship album of the year leh traditional gospel recorded song of the year dawngin, “He album hi ka tan a hlu hle a, a chhan chu PK (Pastor fapa) ka ni a; biak in a hun hmang thin hmeichhia ka ni. Pathian thu ka zirna pakhat chu hla hi a ni,” a ti.
TobyMac chuan pop/contemporary album of the year dawngin, he category-ah hian award a dawn vawi thumna a ni tawh a, kuminah hian a album ‘Life After Death’ avangin a dawng leh a ni. TobyMac chuan, “He album hi ka fapa Truett, ka fa upa ber, chatuan ram min pan san ta puala ka buatsaih a ni,” a ti. Truett hi 2019 khan kum 21 mi niin overdose avangin a thi a ni.
TobyMac chuan, “Heng hla te hi hun khirh leh harsatna ruam atanga ka phuah a ni a, Pathianin kan chunga a thil thlen tir hi a chhan kan la hrethiam lo, mahse, a chang hi chuan chutiang zawhna chu kan zawt bik lo. Harsatna tawk ngai lo tur leh engmah chân lo turin min tiam bik lo. Min kalsan dawn lo tih leh min thlauhthla dawn lo tih erawh min tiam. Lungngaihna leh manganna ruam thuk ber leh hmun khawhar berah pawh, amah kan zawn chuan A lo awm thin. A thuah a ding nghet a, min thlahthlam ngai ngai lo vang. Chu chu ka tawng tawh a ni,” a ti.
-- Advertisement --
54th GMA Dove Awards dawngtute chu:
Artist of the year : Brandon Lake
New artist of the year : Katy Nichole
Song of the year : “Goodness of God,” writers: Ben Fielding, Ed Cash, Jason Ingram, Jenn Johnson, Brian Johnson
Songwriter of the year – artist : Brandon Lake
Songwriter of the year – non-artist : Jeff Pardo
Producer of the year : Jeff Pardo
Pop/contemporary recorded song of the year : “Brighter Days” – Blessing Offor
Worship recorded song of the year : “Gratitude (Radio Version)” – Brandon Lake
Bluegrass/country/roots recorded song of the year : “Good Morning Mercy” – Jason Crabb, Dylan Scott
Spanish language recorded song of the year : “Coritos (En Vivo)”
Gospel worship recorded song of the year : “Impossible” – Pastor Mike Jr., ft. Jame Fortune
Contemporary gospel recorded song of the year : “Your World” – Jonathan McReynolds
Pop/contemporary album of the year : Life After Death – TobyMac
Worship album of the year : LION: Live From the Loft – Elevation Worship
Southern gospel album of the year : Believe – The Hoppers
Contemporary gospel album of the year : Kingdom Book One (Deluxe) – Maverick City Music, Kirk Franklin
Rap/hip hop album of the year : Church Clothes 4 – Lecrae
Gospel Worship Album of the Year : Hymns (Live) – Tasha Cobbs Leonard
Feature film of the year : Jesus Revolution