2023 Soul Train Awards chu an rama Pathianni zan, keini tana Thawhtanni tuk khan an sem ta a, SZA langsar berin award pali a dawng a, chung zingah chuan best R&B/soul female artist, album of the year leh song of the year bakah Ashford & Simpson songwriter’s award a dawng bawk.
Tihian kum ruk chhung chu a zawn zatin he award-ah hian album of the year chu hmeichhe solo artist-in an dawng ta a, 2018 khan he award hi H.E.R-in dawngin, Lizzo, Summer Walker, Jazmine Sullivan leh Beyonce ten an chhunzawm a, tunah SZA-i’n a rawn dawng ve leh ta a ni.
SZA hian best R&B/soul female artist pawh a vawi hnih dawnna a ni a, 2017 khan he award hi lo dawng tawhin, kuminah a chhunzawm leh ta a ni.
SZA hi 2023 Billboard Woman of the Year-ah an lo puang tawh bawkin, Grammy nomination an puanah pawh a langsar ber niin, nomination pakua a nei nghe nghe a ni.
Kumin Soul Train Awards-ah hian Usher-a’n award pathum dawngin SZA a dawt a, best R&B/soul male artist a tum hnih nan dawngin, certified soul award leh best collaboration a dawng tel bawk.
Victoria Monet-i’n a hla ‘On My Mama’ avangin award pahnih a dawng a, best dance performance leh video of the year niin, he hla avang hian Grammy-ah pawh nomination pahnih- record of the year leh best R&B song-ah a lang thei a ni.
Nomination pali theuh nei Burna Boys, Chris Brown, Janelle Monae leh October London te kut ruakin an haw a, Monae hian Spirit of the Soul Award a dawng thung a, mahse, hei hi chu nomination hranpa awm lo a ni.
2023 Soul Train Awards winners:
Album of the year : SOS, SZA
Song of the year : “Snooze,” SZA
Video of the year : “On My Mama,” Victoria Monét
Best R&B/soul female artist : SZA
Best R&B/soul male artist : Usher
Best group : Maverick City Music
Best collaboration : “Good Good,” Usher, Summer Walker, 21 Savage
Best new artist : Coco Jones
Certified soul award : Usher
The Ashford and Simpson songwriter’s award : “Snooze,” SZA
Best dance performance : “On My Mama,” Victoria Monét
Best gospel/inspirational award : “All Things,” Kirk Franklin
2023 Soul Train Awards-ah SZA, Usher leh Victoria Monet an langsar
Get real time updates directly on you device, subscribe now.
Next Post