2024 BET Awards chu an rama June ni 30, zan dar 8 hian Peacock Theater, Los Angeles-ah an sem dawn ta a, award semna show hi rapper Megan Thee Stallion-i’n a kick off dawn a ni. Megan Thee Stallion hian a album thar, a studio album pathumna ‘Megan’ chu vawiin ian a tlangzarh dawn bawk e.
BET Awards hi entertainment khawvela mihang chetha te hnena hlan thin niin, he award hian ngaihhlut pawh a hlawh hle a, award semnaa hian Will Smith pawh perform tur zingah a tel a, ani hian a hla thar a rawn dinchhuahpui dawn a ni.
Smith, kum 55, hian BET Awards-ah a mikhual tawh lo hle a, a nupui Jada Pinkett Smith nen 2005 khan he show hi an lo host dun tawh a, award pawh best actor tum thum (Ali film avangin 2001-ah, Hancock avangin 2009-ah leh King Richard avangin 2022-ah) a dawng tawh nghe nghe a ni.
Kumin BET Awards show-a perform tur-ah hian Lauryn Hill & YG Marley, Ice Spice & Tyla, GloRilla, Latto, Muni Long, Sexyy Red, Shaboozey leh Victoria Monét te pawh an tel a, award semna show hi Taraji P. Henson chuan a vawi thum nan a host leh dawn a, nomination pali nei chungin Usher-a’n lifetime achievement award a dawng dawn bawk a ni.
Kumin BET Awards nomination-ah Drake langsar berin, nomination pasarih a nei a, Nicki Minaj-i’n nomination paruk neiin a dawt a, J.Cole, Sexxy Red, SZA, Monet leh Beyonce ten panga theuh an nei a 21 Savage, Doja Cat, Megan Tee Stallion, Tyla leh Usher ten pali theuh an nei bawk.
2024 BET Awards show hawng tur Megan Thee Stallion
Get real time updates directly on you device, subscribe now.
Prev Post