2024 Kids’ Choice Awards-ah Barbie, Swift leh Rodrigo an langsar

Nickelodeon Kids’ Choice Awards chu an rama Inrinni zan, keini tana Pathianni tuk khan UCLA Pauley Pavilion-ah an sem ta a, Barbie, Taylor Swift leh Olivia Rodrigo te chu a langsar zingah telin, Barbie hian favorite movie actress (Margot Robbie), favorite song (Billie Eilish “What Was I Made For?”) leh favorite music collaboration (“Barbie World” by Nicki Minaj & Ice Spice with Aqua) a dawng.
Swift hi mimal anga award dawng hnem ber niin, award pathum- fevorite female artist (tum thum a dawnna), favorite global music star (tum thum a dawnna) leh favorite ticket of the year The Eras Tour avangin a dawng a, a ngaihzawng, Travis Kelce pawhin favorite male sports star a dawng bawk.
Olivia Rodrigo pawhin GUTS avangin favorite album a dawng a, favorite female TV star (kids) pawh High School Musical: The Musical: The Series a Nini lema a channa avangin a dawng bawk.
Post Malone pawhin favorite male artist a vawi khat nan a dawng a, Imagine Dragons pawhin a vawi khat nan favorite music group an dawng a, Sabrina Carpenter pawhin ‘Espresso’ hla avangin favorite viral song a dawng a, Kids’ Choice Award a vawi khat dawnna a ni ve bawk.