2024 Super Bowl Halftime Show-ah Usher a che tha

2024 Super Bowl Halftime Show-ah Usher a che tha
An rama Pathianni zan, keini tana Thawhtanni tuk khan 2024 Superbowl chu Allegiant Stadium, Las Vegas, Nevada-ah pui takin an zo ta a, Kansas City Chiefs leh San Francisco 49ers ten NFL Final hi khelin, Kansas City Chiefs-in 25-22 in champions trophy an dawng ta zawk a ni.
Khawvela show entu ngah ber pawla chhal thin, Superbowl Halftime Show chu Usher-a’n a headline a, a che tha ngang mai. A hla hrang hrang, lam rem zet mai a perform nual a “DJ Got Us Fallin’ In Love,” “OMG” leh “Love in This Club” a rawn thlawh a. He R&B star hian Michael Jackson-inspired glove var a rawn bun chhuak a, a hla muang deuh zawk “Confession Pt. II,” “Caught Up,” “Burn,” leh “U Got It Bad” te pawh perform-in stage-ah a leu kual ziai ziai mai a ni.
Usher hian minute 13 chungin mit leh beng a titlai hman hle a, special guest Jermaine Dupri leh Alicia Keys te nen “If I Ain’t Got You,’ leh ‘My Boo’ an saho a, H.E.R. pawhin guitar solo bon zet mai neiin, Will.i.am-a’n ‘OMG’-ah a perfirm pui a, Lil Jon leh Ludacris te nan a khar nan ‘Yeah’ an thlawhho leh bawk.
Tun tum Super Bowl Halftime Show hi he stage-a Usher inlan vawi khatna a ni tawh lo va, 2011 khan Black Eyed Peas-in he show an headline tum hian a lo perform pui ve zuai tawh bawk a ni.
Super Bowl LVIII kicked off nan Post Malone leh Andra Day ten rockstar ze dik takin pre-game performance an nei a, ‘America the Beautiful’ leh ‘Lift Every Voice and Sing’ pui zetin an thlawh a, Reba McEntire pawhin ‘Star Spangled Banner’ a dinchhuah pui ve bawk.