LPS buatsaih LBS Suzuki Youth Icon 2024 chu Inrinni zan khan grand finale neiin an zo fel ta a, Youth Icon-ah Lalsangliana, Bawktlang thlan a ni a, Peter Lalnunpuia, College Veng, Aizawl chu Pahnihna niin, Lalbiakkima Hnamte,Thentlang chu Pathumna a ni.
Youth Icon hian lawmman Rs 2,00,000 leh trophy a dawng a, Pahnihnain Rs 1,00,000 dawngin Pathumnain Rs 70,000 a dawng a, top 10-a lang midang zawngin Rs 10,000 theuh an dawng bawk.
Youth Icon Top 10-ah Sangliana, Peter leh Biakkima te bakah Laldinhlua, Champhai Kanan Veng, Samson Lalhunruata,Champhai Kanan Veng, Lalremsiami, Darlawn Venghlun, Zion Tlaichhun, Hnahlan Ramtar Veng, Ramengmawia, Meidum, J Lalrosanga, Tuidam leh Zothankima,Tachhip te an lang bawk.
Youth Icon ni ta Lalsangliana hi round hmasa lamah pawh boruak nei lian pawl a ni nghal a, top 10 intihsiakna an tan atangin a boruak a lian lehzual a, top 10 finalist zingah pawh chetsual leh zan fuh loh deuh tum nei lo ber a tihngam ang. Top 10 zinga J Lalrosanga nen fans nei tha ber an ni a, mahse, Rosanga hian chet fuh loh tum a nei ta zauh zauh a, Rosanga intihsiakna atanga a tlak hnuah phei chuan show en thin tam zawk chuan Sangliana hi 2024 Youth Icon a nih ngei an ring lawk sa thup tawh reng a ni.
2024 Youth Icon- Lalsangliana
Get real time updates directly on you device, subscribe now.
Prev Post