2025 Global Song of the Summer- ‘Ordinary’

2025 Global Song of the Summer- ‘Ordinary’
Billboard chuan tun nipui chhung, June ni 7 atanga September ni 6 inkara kawvel huapa hla lar berah Alex Warren hla hit ‘Ordinary’ an thlang. Billboard ian Global Song of the Summer 2025 chart tichhuakin, ‘Ordinary’ hi No.1 a ni. He chart hi Billboard Global 200 chart-a June leh September inkar an chet that dan atanga tehin an siam a ni. Global 200 chart hi ram hrang hrang 200 chuanga hla lar dan kartin chart ranking an siamna a ni.
Alex Warren ‘Ordinary’ hi June ni 7 leh September ni 6 inkarah Billboard Global 200 chart-ah kar ruk a No.1 a thei a, kar sarih dang No.2 a ni thei bawk. Billboard chuan, “Alex-a rimawi hian khawvel a dâp chhuak a ni. A hlate hi mitam takin an inchhui luh theihna hla, hla ngawng nei lian, a nitin nuna a thil tawn nena hmehbel theih a phuahchhuah te an ni a, US leh khawvel ram dangah a lar takzet a ni,” an ti.
July thla chawhnu lam khan hla lar thar a awm a, chu chu KPop Demon Hunters soundtrack HUNTRIX “Golden” a ni a, he hla tun nipui chhunga khawvel huapa hla lar ber dawttu a ni pha tho. HUNTRIX tan ian EJAE, Audrey Nuna leh REI AMI ten an aw an thawh.
KPop Demon Hunters soundtrack dang Saja Boys ‘Soda Pop” leh “Your Idol” chu he chart-ah hian No.8 leh No.9 an ni bawk. Saja Boys tan hian Andrew Choi, Neckwav, Danny Chung, Kevin Woo & samUIL Lee ten an aw an thawh ve thung.
Nikum khan Sabrina Carpenter ‘Espresso’ chu Global Song of the Summer niin, a kum hmasa, 2023-ah Jung Kook “Seven’” featuring Latto chu Global Song of the Summer a ni tawh bawk.
2025 Billboard Global Song of the Summer Top 10:
No. 1, “Ordinary,” Alex Warren
No. 2, “Golden,” HUNTR/X: EJAE, Audrey Nuna & REI AMI
No. 3, “Die With a Smile,” Lady Gaga & Bruno Mars
No. 4, “APT.,” ROSÉ & Bruno Mars
No. 5, “Back to Friends,” sombr
No. 6, “Manchild,” Sabrina Carpenter
No. 7, “Love Me Not,” Ravyn Lenae
No. 8, “Soda Pop,” Saja Boys: Andrew Choi, Neckwav, Danny Chung, Kevin Woo & samUIL Lee
No. 9, “Your Idol,” Saja Boys: Andrew Choi, Neckwav, Danny Chung, Kevin Woo & samUIL Lee
No. 10, “La Plena (W Sound 05),” W Sound, Beéle & Ovy