2025 Webby Awards dawng tur puang

2025 Webby Awards dawng tur puang
2025 Webby Awards dawng tur an puang ta a a, Kendrick Lamar, Gracie Abrams, Lady Gaga, Benson Boone, Jelly Roll with mgk, Mariah Carey, Questlove, Ariana Grande & Cynthia Erivo, Taylor Swift, Selena Gomez, Rihanna leh Laufey ten category hrang hrangah award an dawng.
Kendrick Lamar ‘Not Like Us’ music video chuan Webby Award-ah hian Music Video, Creator Excellence a dawng dawn a, February thlaa a an sem Grammy Awards-ah pawh khan best music video a lo dawng tawh a, kumin MTV Video Music Awards-ah pawh langsar tura beisei zinga mi a ni.
Gracie Abrams ‘The Secret of Us (Short Film)’ chuan People’s Voice Award for Music, General Video & Film a dawng dawn a, Lady Gaga ‘A Digital Home for a Global Pop Icon’ chuan Webby Award for Entertainment, General Desktop & Mobile Sites a dawng dawn bawk.
Kumin Webby Awards ceremony hi May ni 12-ah neih a ni dawn a, comedian leh actress Ilana Glazer-i’n a host dawn a, Cipriani Wall Street-ah award semna ceremony hi neih a ni ang.
Webby Award winner-te hi International Academy of Digital Arts & Sciences (IADAS) member -te thlan niin, People’s Voice Award bik hi chu mipui vote hmanga thlan a ni ve thung.
Kumin hian Snoop Dogg chu Webby Entrepreneur of the Year Award dawng tura thlan niin, Dr. Fei-Fei Li chuan artificial intelligence lama a thawh that avangin Webby Lifetime Achievement Award a dawng dawn bawk.
Walton Goggins chuan The White Lotus, The Righteous Gemstone leh Fallout a channa a channa atangin Webby Best Actor Award a dawng dawn a, Amelia Dimoldenberg chuan Chicken Shop Date show-a celebrity interview dangdai tak a neih thinna avangin Webby Special Acievement Award a dawng dawn bawk.