2026 World Cup khel tur a hriat kim ta

United States, Canada leh Mexico rama team 48 inelna tur 2026 FIFA World Cup kheltura tling ramte an hriat kim ta a, DR Congo leh Iraq chu qualify hnuhnungber ram pahnih an ni.
Kumin World Cup khel tur zawnna hi khawmualpui parukah September 2023 atang khan an khel tan a, a vawi khatna atana Fifa tournament lian ber khel tura tling ram zingah Uzbekistan, Jordan, Cape Verde leh Curacao an tel.
2026 World Cup group stage draw pawh peih fel tawh niin, qualified team zingah football palian rual Brazil, Argentina, Germany leh England kan hmu a, a zawna a vawi thumna atan Italy-in World Cup an khel pha lo leh ta chuan kalh a tikim lo leh deuh!
Tarlan tak angin, hmunruak hnuhnung paruk inchuhna zawh fel a nih hnuah DR Congo leh Iraq chu inhlangkai hnuhnungber niin, June ni 11 khian tournament an tan ang a, July ni 19 thleng awh tur niin, United States, Canada leh Mexico inthlentawm tur ‘the greatest show on earth’ hi World Cup history-a team chhuak an tam ber tum tur ni mah se India tan erawh hmun a la awm rih lo!