2027 F1 calendar-a kir tur Portuguese GP

2027 F1 calendar-a kir tur Portuguese GP
Portugal chu Formula 1 calendar-ah kum 2027 leh 2028 khian hmuh tur a awm leh dawn.
Portuguese GP hi Portimao khawpui kianga Algarve International Circuit-ah an tlan leh dawn a; Covid-19 hripuiin khawvel a tuam mup mup lai kum 2020 leh 2021 khan he tlankawngah hian grand prix tum hnih nghah a lo ni tawh a ni.
Portugal hi nakkum hnu lama contract nei tawh lo Dutch Grand Prix thlaktu tur niin, Zandvoort tlankawng race hi kum 2027-ah chuan kan hmu tawh rih lo ang.
Portuguese GP tlankawng Algarve International Circuit hi mel 2.89-a thui, tlang (hilly terrain)-a siam niin, driver-te tan pawh chona lian a tling.
F1 chairman leh chief executive officer ni bawk Stefano Domenicali chuan Formula 1 calendar-a Portugal a kirleh tur chu phurawm a tih thu sawi chungin Portuguese fanbase pui tak chu an sport tan pawh hlawk dawna a ngaih thu a sawi a; Portuguese circuit chu first corner atanga chequered flag thlengin driver-te tana phurawm em em, fans lam pawh an seat-a thut hle hle a theihlohna hmun a nih thu a tarlang tel.
He tlankawnga race hnuhnung pahnihah khan Lewis Hamilton chuan Mercedes car a chakpui ve ve a; kum 2020-a a chak tum phei kha chuan Michael Schumacher-a record (91) lehpelin grand prix chak tam ber all-time record a siam phah nghe nghe.