4-lane laih tumin tuihna tihchhiat loh nan vil tum

4-lane laih tumin tuihna
tihchhiat loh nan vil tum
Vairengte to Sairang kawngpui four lane laih tumah leivung paih danin tuihna leh lui a tihchhiat lohna turin an vilpui dawn tih environment humhalh duhtute chuan an sawi.
Environment humhalh lama hma latu pawl 12 intelkhawmna – Mizoram Environmental NGOCC (MENCO) thuchhuak chuan, National Highway 306 & 06 (Vairengte to Sairang) four lane-a laih zauh tum chuan environment tichhe tlem thei ang bera hna a kal theihnan an vilpui tur thu hi an sawi.
‘Mizoram hmun hrang hranga kawngpui laiha dan loa leivung paihin kan nunna hnar (lifeline), tui luankawr (seasonal river), luite hna nei (perennial river) leh luipui (major river) a chhilhchhe nasa a, tuihna a kang chat nasa hle. Chuvangin vung chhuah chi reng reng hnathawhah leivung paihna hriat chian loh a, kawngthlang leh awihpanga nawr liam tur leh a paihna bik siama paih tur tih loh chu eng kawng mah laih tawh loh kan duh a ni,’ a ti.
Kan tlangram ecosystem derdep lutuk hian four lane kawngpui a zo lo tih two lane laih tawh atangin a hriat tih MENCO hian a sawi a. NH-306 & 06 4-laning (Vairengte to Sairang) laih turah hian a kawng dung tluana leivung paihna mumal tak ruahman a nih leh nih loh, dan ang leh ruahmanna anga hma lak a nih leh nih loh an en dawn a. Kan tuihna neihte humhim turin theihtawp an chhuah zel dawn tih a sawi a ni.