A mak i ti viau maithei, mithiam ten zirchianna an neihah chuan miin chaw, thleng sen a mi a ei a, no sen a mi thil a in chuan a ei leh in tur 40% zetin a tihniam thei niin an sawi tlat mai. Teh daih chuan!
He zirchianna hi German leh Swiss mithiam te neih a ni a, thleng sen a mi thil kan ei hian, thleng rawng dang a mi kan ei aiin kan ei tlem zawk zel niin an sawi a, chutiangin ei tur infun chi dangah pawh rawng sena infun te chu rawng danga infun aiin kan eitlem zawk zel niin an sawi bawk. Hei hi rawng sen chu ‘hlauhawm leh phal loh’ tih vel chhinchhiah nana kan hman thin vang nitheia an ngaih thu an sawi bawk a ni.
Zirchianna neitu te chuan sorkar-ah pawh rawtna thlenin, thil ei neuh neuh chi, taksa tana hrisel lem lo te chu rawng sen a tuam vek nise, tichuan miin an ei tlem phah ngei dawn niin an sawi a, chutiangin, zu zawrhnaah pawh no sen vek hmang se miin zu an in tlem phah ngeia an rin thu an sawi bawk a ni.
Zirchianna neitu te chuan mipa 41 te chu in tur inang vek no sen leh no pawl leh no var te in an pe a, no sen a mi chu 44% in an in tlem zawk zel a, chutiang bawkin mipa 109 te chu ei tur inang theuh, thleng sen, a pawl leh a var-ah te an pe leh a, thleng sen a mi chu an ei tlem zawk theuh bawk niin an sawi.
He zirchianna chungchang hi journal Appetite-ah tihchhuah a ni.
Intihcher nan thleng sen-ah chaw ei rawh!
Get real time updates directly on you device, subscribe now.
Next Post