Baptist Church of Mizoram hnuaia awm, Baptist Kohhran Hmeichhe Pawl (BKHP) Shillong Pastor bial chuan neih inang inkawp leh a kaihhnawih – LGBTQ (lesbian, gay, bisexual, transgender, queer) chungchanga Bible zirtirna leh nuho ten an fate hemi lama zirtirna an pek dan tur inkawhhmuhna leh zirhona (seminar) an buatsaih.
Seminar hi hun hnihah thenin resource person-ah Bial BKHP president F Lalengmawii hman a ni a, a paper buatsaih zir ho a ni. Neih inang inkawp (nupui/pasala innei) te, nihna thlakthleng (transgender) te dinhmun leh khawvelin a en dan leh a pawm dan te, an lo pun zel dan te sawiin, ringtute chuan khawvel thlirna atang ni loin, Bible zirtirna leh Thlarau Thianghlim hriattirna atanga heng thil hi kan hmachhawn a tul thu leh fate pawh uluk taka zirtirna kan pek a tul thu te a sawi.
“Gender kan tih hi chi hrang hrang tunlai chuan awm ta tlat a. Sex erawh chu pahnih chauh awmin, Pathianin a siam, chu chu mipa leh hmeichhia hi a ni. Genesis 1:27 ah chuan, ‘Tichuan, Pathianin ama anpuiin mihring a siam a, Pathian anpui ngeiin a ni a siam ni; mipaah leh hmeichiaah a siam a ni’ tih kan hmu a, gender chu duhthlanna a ni a,
sex chu kan pianpui a ni,” F Lalengmawii hian a ti.
Kohhran Hmeichhia-in neih inang inkawpte chungchang inhrilh chiang
Get real time updates directly on you device, subscribe now.
Prev Post
Next Post