Sen-a kutah Canada Open title

A career-a BWF Super 500 title pahnih a lakna ni turin Pathianni khan star Indian shuttler Lakshya Sen chuan Canada Open final-ah 21-18, 22-20-in All Eng-land champion Li Shi Feng of China a hneh.
Calgary khaw final-a hnehna a chan hmain kum 21-a upa Indian hian 2022 India Open hmangin Super 500 title a lo hlawhchhuak tawh a, Pathianni kha nikum August thla Common-wealth Games gold medal a lak hnua title a sualchhuah leh vawi-khatna a ni nghal bawk.
Sen-a hian Olympic khel pha tur zawn kum a nih avangin Canada rama a hnehna chuan in-rintawkna sang lehzual a pek tur thu a sawi.
Tun kha a tumpui Chinese world No. 10 nena an vawi sarih intumna leh vawinga a chakna niin, season tir lama talbuai world No. 19 tan rilru lama chakna siamsaktu tur a ni ngei ang.
World No. 6 hlui Sen-a hian 2021 World Championship-ah khan bronze awrhin, nikum August thla World Championship zawh khan a hnar zai a ni a, damchiang turin hun a duh rei deuh a ni.
BWF World Tour hi level paruka then niin, a sang ber chu World Tour Finals an ti a, a hnuai lamte chu – four Super 1000, six Super 750, seven Super 500, 11 Super 300 leh BWF Tour Super 100 level-te an ni a, ranking point keng tel vek an ni.