NV-in NEP thatna puangzar

Khawzawla Jawahar Navodaya Vidyalaya (JNV) chuan National Education Policy (NEP) 2020 kum thum tlinna pualin an hmalaknate an puangzar.
JNV Khawzawl principal Upesh Chandra chuan sawrkar laipuiin zirlaiten zirna quality tha zawk an neih theihna tura ruahmanna a siam, National Education Policy (NEP) 2020 hi hlawhtling taka kalpui a nih theihna’n mipui hnenah a kalphung inhrilhhriat a la ngai hle tih a sawi a. Tunhmaa Education Policy chu ramdang tih dan zulzuia duan vek a nih laiin, NEP hi chu India rama naupangte dinhmun zirchiangin, an zirchianna behchhana siam a ni tih a sawi.
NEP 2020-in a tum ber chu, naupangte hnenah zirna quality sang tak pek a, chumi hmanga zirlaite hnenah intluktlanna leh hriatna lama hmasawnna thlen a tum tih a sawi a ni.
JNV Khawzawl hi kum 2006 atanga kalpui tan niin, tunah hian class I atanga class XII thleng a awm a, tunah hian zirlai 234 an awm nei a ni.