Suu Kyi ‘House arrest’ in dah mek

Myanmar civilian leader Aung San Suu Kyi chu February 2021 a man a nih hnuah solitary confinement te a dah ren rawn a nih hnuah house arrest-a dahin a awm ta.
Suu Kyi hi Nay Pyi Taw a sorkar building-ah sawn niin kum khat chuang solitary confinement-a dah a ni a.
Kum 78-a upa ni tawhin kum 33 lung in tang tura tih niin kum hnih dawn a chanchin engmah sawi lan leh hriat tur awm lova thupin a awm reng a ni.
Maynamr sipaite chuan engmah sawi lan an la nei lo va, Suu Kyi hi chhuah zalen a nih theih nan khawvel ram hrang hrang hruaitu lawk leh mi lar tak takte chuan ngenna an siam reng bawk.
Suu Kyi hi a dam lo tia sawi niin mahse hei hi sipai te chuan thuthang dik lo tiin an hnawl thung a. Tun hnai lawkah Thailand foreign minister chuan a tlawh thu sawiin mahse engmah thuchiang sawi lanna a awm lo bawk.
Myanmar-a Suu Kyi sorkar paihthlaka sipai tena thuneihna an chan hnuah Myanmar chu civil war in a la tuam zui reng a, mi sang tam takin nunna chan phah tawhin Myanmar sipai sorkar pawh na taka hrekin a awm mek bawk.
Kum 78-a upa Suu Kyi hian amah an puhnate chu a hnawl vek a. Myanmar independence hero General Aung San fanu niin military dictatorship duh lova pro-democracy movement hotu a ni a. National League for Democracy (NLD) din tu niin kum 1989 khan house arrest a dah a ni a.
Nobel peace prize dawngtu Suu Kyi hi khawvela democracy icons langsar ber pawk niin kum 2010 a chhuah zalen a nih khan Myanmar mai bakah khawvelin a lawm a ni.