Khawzawlah multipurpose hall

Khawzawl Zuchhip Venga cheng vaibelchhe 4.41 senga sak tur Multipurpose Community Hall sakna tur lungphum chu Nilaini khan Tuichang bialtu MLA, deputy chief minister Tawnluia’n a phum.
Ram leh hnam a than zelna’n khawtlang, vantlang tana tangkai thilte sawrkarin a ngaipawimawh tih deputy chief minister chuan sawiin, district hmunpui Khawzawlin a neih chuan ken tel tam tak a nei a, Multipurpose Community Hall pawh hi district-in a ken tel pawimawh tak a ni, tiin a sawi. Hall sa tur hian tender engkim dan ang taka kalpui a nih thu leh a bul tan chhoh theih a ni tur chu lawmawm a tih thu a sawi bawk.
Multipurpose Community Hall hi chhawng thuma sanga sak tur niin, M/s Zothan Consultancy Services Luangmual Aizawl-in a sa dawn a ni.