Indonesia-in Turkish thlawhna lei

Indonesian sorkar chuan Turkish Aerospace hnen atangin drone 12 lai $ 300 million in a leisak dawn a, hei hi Indonesia defence system siamthatna tur a ni tiin Indonesian Defense Ministry thuchhuak chuan a tarlang.
He ralthuam hmang hian Indonesia military equipment te chu chi hrang hrang, tam leh tha zawkin a siam dawn a, February 3 khan Turkish Aerospace te nen contract an lo ziak tawh a. ANKA drone 12 te chu Novmber 2025 hma in pek hman a ni dawn a ni.
January thla khan Indonesia chuan advanced Mirage 2000 5 fighter jets panga chu $ 805 million in Qatari air force ta hlui a lo lei tawh bawk a. He indo thlawhna hi French company Dassault Aviation te siam niin upa deuh tawha ngaih an ni thung.
Mahse Indonesian Defence Ministry chuan an ram indo thlawhna te an upata hmantlak loh zelah indo awm thut thei pawha inralring theia an awm a ngaih thu an sawi thung a. An indo thlawhna thenkhatte chu siamthat leh tihchangtlun mek a nih thu sawiin chutih laia a thar an neih theih hmaa mamawh phurukna tur an neih a ngaih thu an sawi a.
Indonesian Defense Minister Prabowo Subiano chuan February 2022 khan Dassault Rafale fighter aircraft 42 lei nan inremna a lo zaik tawh bawk a. France ram siam Rafale fighter jet te hi January 2025 ah pathum an dawng hman dawn a ni.