NH 54 kawng hnawh leh

Vaivakawn Zohnuaia lei che chu Inrinni atanga ruahsur chuan tih chet belh lehin July 27-a he lei che in in a lo minpui bang chu Pathianni zing dar 6.30 vel khan a tawlhpui a, a in pum hi a chim tawh a ni. He lei che hian a tlang NH 54 kawng a hnawh ping leh a ni.
Vaivakawn Zohnuaia Vanlalkunga in hi, a thlang Hunthar Veng huamchhunga NH 54 sira in tur laih leh rel mek chhak leimin vangin tluk mai hlauhawma a awm a, he ina chengte chu a hma in an lo inthiarchhuak vek tawh a ni. July 27 khan lei tawlh hian a in thenkhat hi a minpui a, hemi tuma che ve lo in la ding zawng chu August 6 zing khan lei tawlh hian a chim pui ta vek a ni.
Helai lei hi a chet reng avangin a thlanga airport kawng, NH 54 hi a hnawhping leh a, Pathianni tlai tlam thleng khan lei hi ala che reng a, mihring leh lirthei kaltlang theih loha khar rih a ni.