Hrisel nan nikhatah pen 5,000 a tawk

Fit leh hrisel tha tur chuan ni tin pen 10,000 tal i kal a ngai tia sawi fo thin a ni a. Mahse, tun hnaia zirchianna thar berah chuan pen 5,000 chauh pawh a tawk an ti.
Khawvel puma mihring 226,000 zirchianna neihah pen 4,000 chu thih hma lutukna laka min veng turin a tawk tia sawi a ni a.
Ni tina kea pen 2,300 kal chu lung leh thisen zam tan a tha tawk tih a ni a. A aia tam i kal a nih chuan i hriseln atan a tha hlei hlei tiin researchers te chuan an sawi a.
Pen 4,000 piah lama pen 1,000 zel chuan pen 20,000 vel thlengin thih hma theihna lakah 15% in a venna a tipung tia sawi a ni bawk.
Zirchianna hi medical University of Lodz, Poland leh Johns Hopkins University School of Medicine, US tena kum bithliah leh gender hrang hrang te zingah pawh kea kalin hlawkna a neih an zirchianna a ni a. Hlawkna teltu tam ber zawk chu kum 60 hnuai lam an ni daih zawk thung.
Prof Maciej Banach, Lodz university chuan inenkawlna turin damdawi tha tak tak a awm tawh chungin chungte chu channa awm chhun a ni lo tiin a sawi a.
“Ka hmuh dan chuan nundan phung tihdanglam heng diet leh exercise te hi kan ngaih pawimawh ber tur a ni a, kan analysis neihnaa a bulthut ber a ni bawk a, hengte hi a tawpah chuan cardiovascular risk tihhniamna leh nunna pawtseitu atana tha ber niin a lang,” tiin a sawi.
World Health organization data ang chuan physical activity tlem lutuk chu kum tina nunna chan 3.2 million awm chhan tiin khawvel puma nunna channa thlentu langsar ber pali zingah a tel an ti bawk a.
HoneyFine, personal trainer leh instructor, global fitness company Barry’s a mi chuan thut hnem lutuk chuan harsatna min thlen tia sawiin, “I metabolism timuangin tha tithanga tichak tur a dal a, chu chuan na a siam vat mai a ni” tiin a sawi a.
“|hut rei lutuk chuan kawng lamah harsatna siam bawkin hei hi office hnathawkteah kan hmu fo mai a, hnungzang na neiin chu chuan a reiah harsatna a siamsak thin a ni,” tiin a sawi bawk a.
Hei bakah hian non-exercise activity thermogenesis – Neat hriatlar bawk pawimawhna sawiin, “Awlsam tea sawifiah theihna chu tha leh chakna kan hman tinin calorie a titlem zel a ni” tiin a sawi bawk a.
“Din reng te, shopping te, chhuat nawh leh, phone be chnga kea kal ang te heng thil te tham nia kan hriat hian active zawka min siamin kan calorie min tihhniamsak thin” tiin a sawi.
Fine chuan ni tina kea kal chu thil harsa tak a nihna chen pawh a awm chungin taksa tana a thatna chu a turu em a ni, a ti bawk a.
“Kea kal chuan blood pressure a tihniam thei a, tha tichakin i ruh tan a tha a, energy level tisangin chu chuan endorphins a pe thei bawk a, taka rihna tha tawk leh thil ei dan tha a pe thei bawk che a ni,” tiin a sawi bawk.
A hlawkna dang leh chu mental health tan niin hei bakah hian phone screen en a tihniam bawk a, thil danga rilru pawtpeng tur a dang bawk tih a ni bawk a. Kea kal chu mi tin tih theih niin ruh leh tha tan a tha em em a ni, tiin a sawi bawk.