Rajinikanth a chuai thei lo Jailer-in vbc 300 lalut nghal

Rajinikanth a chuai thei lo
Jailer-in vbc 300 lalut nghal
South Indian lemchanthiam hmingthang Rajinikanth chu kum hnih vel a thaem a reh hnuah a rawn comeback leh ta a, a channa thar ‘Jailer’ film chu tun weekend kalta khan an tlangzarh a, ni li chhungin India-ah cinema hall ticket hralhna atangin cheng vaibelchhe 150 dawn a lalut hman a, khawvel huapin vaibelchhe 300 a lalut nghal der tawh bawk. He Tamil veteran actor hi a thawm a la na tek tek khawp mai, box office-ah a la chuai tak tak thei lo tih a rawn lantir leh ta a ni.
Jailer hi Tamil film niin, Hindi, Telegu, Malayalam leh Kannada a dub a ni a, heng tawng hrang hrang an dub ho zawng zawng nena tun ni lu chhunga India-a a sum lakluh chu cheng vaibelchhe 146.4 a tling niin Saclink.com chuan an tarlang a, khawvel huap chuan vaibelchhe 300 a lalut der tawh a, Rajinikanth channa film cheng vaibelchhe 300 chin lalut thei palina niin, 2010-a a tlangzarh ‘Enthiran’, Kabali (2016) leh ‘2.0’ (2018) te hnung a rawn zui ve ta a ni.
Jailer film hi Nelson Dilipkumar direct niin Vinayakan, Ramya Krishnan leh Vasanth Ravi te pawh a changtu langsar zingah an tel a, Mohanlal, Shiva Rajkumar leh Jackie Shroff te pawh an inlan.