KVK leh loneitute inkawm

KVK Khawzawl District chuan Khawhaiah ‘Farmers Scientist Interaction’ an buatsaih a, loneitu mi 70 an tel.
KVK Khawzawl head, senior scientist Dr Malsawmkimi’n kaihruaiin KVK thawktute leh kuthnathawktute hian tomato kung leh rah hrisel lo bakah rannung beitu laka chhanhim theih dan tur an sawi a. Loneitute hnenah hian Indian Institute of Horticulture Research NEH atanga dawn tomato chi – Arka Samrat leh Arka Abed sem a ni.
Khawhai hian kum 2022 khan tomato ching tanin chhungkua 54-in bul an tan a, kg. 7070 an thar a ni.
Rabung khuaa chhungkaw 70, Chawngtlaiah chhungkaw 40, Neihdawn chhungkaw 30 hnenah leh Ngaizawla chhungkaw 10 hnenah KVK Khawzawl District hian hetiang tomato chi hi a pe bawk.