Tigray region-ah tam avanga nunna chan tam

Ethiopia-a northern Tigray a tanpuina eitur food aid te ruk a nih thin avanga pek chhunzawm loh avangin riltamin mi 1,400 velin nunna an chan phah tawh tiin official te chuan an sawi.
UN’s World Food Programme (WFP) leh US te chuan Tigray ah hian thla li vel chhung lai chu food an pe duh tawh lo a ni.
A hnua Tigryan thuneitu tena chhuichianna an neihah eitur rukna lamah hian mi 500 chuang an inhnamhnawih tiin official te chuan ans awi a. Tigray hian buaina avangin kum 2020 vel khan tam nasa tak an lo tuar tawh a ni.
Nikum November thla khan Ethiopian sorkar leh Tigray People’s Liberation Front (TPLF) te chuan African Union (AU) hmalaknain inremna an lo ziak tawh a.
Buaina avangin mi 600,000 velin kum hnih chhungin nunna an chan niin AU envoy, Nigerian President hlui Olusegun Obasanjo chuan a sawi a. Researchers te chuan inbeihna, riltam leh healthcare chhia avangin civilian sang telin nunna an chan an ti bawk.
WFP leh USAid te Tigrayans maktaduai ruk vel te tanpuitu chuan April thla khan donation atana pek tur food aid te chu local market-ah zawrh thin a nih avangin tanpuina pek tihtawp a ni a.
“Dik lo taka thil tite kan hmuh renga an tih chhunzawm reng kan remti thei lo a ni,” tiin WFP thupuangtu chuan a sawi a. June thla khan USAid chuan Ethiopia pumpui tana tanpuina sum an pek pawh an titawp zui bawk a ni.
Ethiopia sorkar chuan an chhui chian mek thu sawiin Army te chuan heng food aid rukbo hi engmah dawn an neih loh thu an sawi zui nghal bawk. Heng tanpuina eitur dik lo taka pawhpenna lamah hian sorkar officials te, non-governmental organisation staff te, raltlante enkawl tura ruat co-ordinator te chu rinhlelh zinga tel an ni bawk.