Kan Khawpui Kawngpui Hi!

By Tpa Bunghai

India-in British sorkar lak atanga zalenna a hmuh cham vawi 77-na chu chep zetin |huampui leh Bawngkawn inkarah kawngpui siam a nih avangin traffic jam tawt lutukah, lirthei chhungah darkar khat chuang zet ka tawm a, ka tang teh reng a nih kha!
Thlantui far zawih zawih karah thil tam tak rilruah a rawn lut nuaih nuaih a. Kum 1890, February ni 25-a din he khawpui Aizawl hi hei, kum 133 lai chu a ni ve tawh a, din a nih tirh lai vela Col. G.H Loch-a sulhnu chu hnum hlarhin a la awm nuk. A khawpui neitute kuthnu kawngpui erawh hi chu hei, thawmthat a ni awn awn a, mipui buaina belhchhah zual turin chhun pachangahte hian siam a va’n ni ngun tawh tak e aw!
Kawngpui eizawnna’na hmang tangkhang tam tak sum hloh nasat tur zia te, taxi driver pakhatin hmanhmawh zeta damlo a rawn phurh, kawng kiana kan thlir zui vawng vawng nunna derthawn zual sauh dante rilruah a cham zui vang vang!
Kan khawpui enkawl dan hi mipui awlsamna thlen nge, harsatna belhchhah tih hi kawng siam reng a ngaih danah hian chhanna rin ka nei khiau!
Taxi, City Bus leh association dangte hian in working hours in duhthawh nat vang lai taka hetia kalphung ang deuh thawa kawngpui siam a ni thin hi a concern department nen dawhkan kilho thei ula a duhawm ngawt mai.
Khelmual tha duhin he khawpui mipuite hi kan au tawh a; kawngpui tha leh tlo min chhawpchhuah sak thei sorkar tha kan au leh mek e.