Prigozhin-an Africa zalen siam inti

Wagner chief Yevgeny Prigozhin chuan Russia-a helna a neih hnua video hmanga thusawina a neih hmasak ber tichhuakin chuta a landan chuan Africa-ah a awm ngei nia ngaih a ni.
Wagner te Telegram channel nena inthlunzawma video tihchhuahah Progozhin chuan combat gear inthuamin an group chuan Africa chu ‘zalen zawkin a siam’ tiin a sawi.
Wagner te hian fighter sang chuang fe Africa-ah hian an dah mek a, sumdawnna lian leh hlawk tak tak an kalpui mek bawk.
Progozhin sipaite hi Mali leh Central African Republic (CAR) – rights group leh UN e pawin war crime tia an puhnaah te an inbun a ni.
UK chuan thla kalta khan Wagner hotu lawk pahnih CAR a chetlate chu civilian te nghaisa leh thatah puhin a hrek zui bawk a.
Wagner fihgters te chu US pawhin Africa a lunghlu te remchanga hmangin anmahni intihausa mekah a puh bawk a.
Video-ah Proigozhin chuan Wagner te chuan minerals te explore mek leh chutihruala Islamist militants leh criminal dang te bei mekah a insawi thung a.
“Kan thawk mek a. Temperature +50 chunglam niin engkim kan duh dan ang vekin a kal mek a. Wagner PMC te chuan theih tawpa hmala in Russia chu khawmualpui pumah ropui zawkin kan siam a, Africa pawh zalen zawkin kan siam a ni,” tiin Prigozhin chuan a sawi a.
“African mipuite tan hlimna leh lawmna kan thlen a. ISIS leh Al-Qaeda te leh misual dangte tan mangchhia kan siam mek a ni,” tiin a sawi bawk.
Wagner chuan an tihtur tihhlawhtlin nan member an lak belh zel thu sawiin kan hlawhtling dawn tih kan tiam a ni tiin a sawi bawk.
Prigozhin hi thla kalta khan Africa-Russia summit Moscow a neihah hmuh niin CAR Ambassador Freddy Mapuka nena an inchibai lai hmuh a ni a. June thlaa helna darkar 24 vel a kalpui zuai hnuah langsar lo takin a awm zui a ni.
June thla khan Wagner sipai 5,000 vel te chuan Russian chhim lam khawpui Rostov-on-Don chu an thunun hman a. Mahse, Belarusian leader Alexander Lukashenko palai vangin Prigozhin chu Moscow nen an inrem leh thei thuai thung a.
Inremna siamah helna titawpin Prigozhin laka thubuai siam te paih zui ni bawkin Belarus-ah a insawn remtih a ni bawk. A hma zawngin Ukraine-a indona kalpuiah Russian sipai hotu lawkte leh Prigozhin ten ngaihdan in ang lo an nei a ni.
Wagner hi kum 2014 khan Prigozhin-an a din niin a hma zawng chuan Kremlin catering service petu a nih avangin ‘Putim’s chef’ tia hriatlat a ni bawk.
Kum 2014 khan eastern Ukraine a pro-Russian seperatist te puiin Russia in Crimea a lak theih nana sulsutu tia hriat a ni bawk.
Ukraine indo hma khan Wagner te chuan gfighter 5,000 vel nei angin an insawi a, a tam ber te chu Russia eleite regiment leh special forces hlui te an ni a. Mahse, June thla atang khan pung thutin tunah chuan fighter 25,000 vel nei tawh angin an insawi thung.