Thalai beidawng chhanchhuak turin tang puihna kan aupui – Dr Lalmalsawma

Beidawnna tlulut mek thalaite chhanchhuak turin Congress party chuan tang puihna policy an aupui tih Dr Lalmalsawma Nghaka chuan a sawi.
Thawhtanni zana Aizawl South-II a an party mite tana political training neih a hmanpuinaah MPCC treasurer Dr Lalmalsawma chuan, kan ram chu eirukna in a rum mek a, mirethei leh harsa zawkte rahbehin an awm mek bawk, tiin, pawisak nei lo, mihausa rual lalna ramah kan ram a chhuak mek tih a sawi a ni.
Kan sakhua beihin a awm a, kan thalaite ruihhlo leh beidawnnaah an lut a; sawrkar hna in min daih tawh lo, tiin, “Thalaite beidawnnaah an tlulut mek a, chuta tanga chhanchuak turin Congress party chuan sawrkar tha leh tang puihna policy kan aupui a ni,” a ti.
Thalaite mahni kea ding theia hma an sawn a, eizawnna tlinga khaichhuah an nihna turin tang puihna an kalpui dawn tih a sawi a. Kan sakhua, kan hnam, mipui kan him theihna’n Congress party chuan theihtawp a chhuah mek tih a sawi bawk.