Naupang thihna chhuizui

Mamita naupang pakhat thia chhar a nih chungchangah mi kut tuar a nih rin vangin police-ten an chhuizui a, rinhlelh thu zawhfiah pawh an nei tawh.
August 18 atanga chin hriat loha bo Lalremruata (11) s/o Lalvulmawii chu August 23 chhun khan a ruang hmuh a ni a. A ruang awm dan leh chhawla chhin a nih danah mi kut tuara thi ngei nia ngaih a nih avangin an awmna, Mamit Chhim Veng VC leh NGO-te chuan thuchhuah siamin, thuneituten an chhuichiang lo a nih chuan an thiam anga an chhuizui tur thu an sawi a ni.
Mamit Police chuan chhuizui nghalin Ningani khan mi pahnih chu thu zawhfiah turin an la a, midang pawh thu an zawtfiah zui zel nia thu dawn a ni.