Naupang pumna tan thei tui

Naupang pumna tan thei tui
Canada-a mithiam ten naupang pumna satliah (mild gastroenteritis) damdawi atan thei tui a tha niin an sawi a, nachhawkna ei ai pawhin a tha zawk maithei niin an sawi.
‘An apple a day keeps doctor away’ an ti a, tunah chuan apple hi naupang pumna tap tihtawp nan pawh a tha hle. Mithiam ten zirchianna an neih tharah chuan naupang kum 5 hnuailamah apple juice-in pum nâ a chhawk thei niin an sawi.
Doctor-te chuan apple juice, tui-a pawlhdal chu naupang mild gastroenteritis enkawl nana duhthusam niin an sawi a, damdawi pangngai ai pawhin a thlanawm zawk niin an sawi. Apple juice leh tui pangngai chu a inzat a pawlhin naupang chu in tir mai tur a ni.
Gastroenteritis hi naupang-ah chuan natna tlanglawn tak a ni a, a enkawl nan chuan apple juice, tui a pawlh dal a tha ber niin doctor ten an sawi.
University of Calgary, Alberta, Canada-a mithiam ten naupang thla 6 leh kum 5 inkar mi 647-ah zirchianna neiin, naupang emergency department-a gastroenteritis avanga mild dehydration nei-ah zirchianna hi neiin, chung naupang pahnih zela pakhat chu apple juice tui a pawlh dal an lo intir zel a, apple juice bakah hian naupangin tui an tih zawng juice an in tir bawk, naupang chanve dang zawng chu apple-flavoured electrolyte solution an in tir ve thung.
Electrolyte solution in naupang 25% chuan additional treatment an la mamawh a, chith laiin apple juice in te zingah chuan 17% chauhin additional treatment an mamawh ve thung. Naupang kum hnih lehkum 5 inkar ten apple juice hi an ngeih ber a, a kum tlem lamah pawh electrolyte solution aiin apple juice hi an la ngeih zawk tho niin an sawi bawk. He zirchianna chungchang hi Journal of the American Medical Association-ah tihchhuah a ni.