Harhna Inkhawmpui nei dawn

August 25-27 chhung hian Harhna Inkhawmpui (Revival Meet) vawi 9-na chu Tuikual North Presbyterian Kohhran biak inah neih a ni dawn a, inkhawmpui thupuiah ‘I ram lo thleng rawh se’ tih hman a ni.
Zirtawpni zan khan inlawmna inkhawm neih a ni a, Synod moderator Rev Dr C Chawnghmingliana’n thuchah a sawi. Inrinni leh Pathianni (Aug. 26&27) ah vantlang Pathian biak inkhawm a awm ang a, Harhna Inkhawmpuiah hian Synod Revival speaker-ten inkhawmpui thupui an sawi ang. Pathianni zan inkhawmah Synod senior executive secretary Rev. C Zorammawia’n thuchah a sawi dawn a ni.
Harhna Inkhawmpui hi kum 2012 atang khan Covid hrilen lai tih lohah chuan kumtin neih thin a ni a. Synod Revival speaker leh counsellor-te intuaitharna atan hman thin a ni.