India-in a dodal China ‘standard map’ tihchhuah chungchangah China chuan August 30 khan thuchhuah neiin New Delhi chu ‘a tul lova sawifiah lama insum’ turin a ti.
India chuan Thawhlehni khan China map thar tihchhuah Thawhtannia tihchhuah chu a duhlohna lantirin a hrilh hria a. Map tharch chuan China chuan Indian State Arunachal Pradesh, Aksai Cin bakah South China Sea pumpui chu a ram angin a chhal a ni.
Heng territory te hi a hmaa Chinese map-ah te pawh tihchhuaha rinluh tawh tho a ni a, tuna a thar tihchhuah hi New Delhi chuan ram pahnih inlaichinna boruak sang sa tak tawh tihzualkaina tur tiin a sawi a.
China erawh chuan Nilainia thuchhuah a siamah Beijing chuan kum 2019 khan India map a union territory of Ladakh siam thar an duhlohna an lo hriattir tawh a ti ve thung a. New Delhi chuan an map siam chuan India border engmah khawih a nei ve lo a ti chungin khatihlai khan Beijing chuan a dodal nasa hle tho a ni.
Map thar India-in a duhlohna a lantir chungchangah Chinese Foreign Ministry thupuangtu Wang Wenbin chuan Ministry of Natural Resources in map thar an tihchhuah chu ‘tih dan phung pangngai’ tiin a sawi a.
“Dan ang thlapin China chu map tihchhuah chu tihdan phunga a neih a ni” tia sawiin, “A ni lova luakchhuaka sawifiahna emaw sawina emaw a awm zui loh ka beisei,” tiin a sawi.
External Affairs Minister S. Jaishankar chuan Thawhlehni khan sorkar chu ‘kan ram chinah kan chiang hle’ tia sawiin ‘awm ang lo taka ram chin chhal vakin ram dang mite kan ram a neihtir chuang lo’ tiin a sawi.
China-in India khak let zui nghal
Get real time updates directly on you device, subscribe now.
Prev Post
Next Post