Foodgrain kudam siam thei tur PACS 16 awm

Mizoram atangin Primary Agriculture Credit Society (PACS) 16 ten foodgrain go-down project hnuaiah NABARD atangin cheng nuai 160 loan la thei tura ruahman mek a ni tih Cooperative minister C Lalrinsanga chuan a sawi.
India ram chuan khawvela foodgrain kudam project lian ber a buaipui mek tih sawiin, he project hnuaiah hian acre khat chin ram nei PACS-te chuan NABARD atangin cheng nuai 160 thleng kudam sak leh a enkawlna atan loan an la thei tih a sawi a. Mizoram atangin PACS 16 chu loan la tura ruahman mek an ni tih a sawi.
Mizoramah cooperative society hrang hrang – primary, secondary/ district leh state level nen a vaiin 1306 an awm mek tih minister hian a sawi a. Heng zingah hian cooperative bank pahnih – Mizoram Cooperative Apex Bank (MCAB) leh Mizoram Cooperative Urban Bank Ltd (MUCO) an awm tih a sawi.